Lamar Odom ez da Panathinaikosen aurkako partidan egongo

Laboral Kutxak Panathinaikosen aurka jokatuko du ostirelan, Euroligako Top 16an. Partida bakarra irabazi du Baskoniak, eta sailkatzeko aukerarik gabe, tramitea izango da Gasteizko taldearentzat. Partida zuzenean emango dute, ostiralean, ETB1ek eta eitb.com-ek.

Lamar Odom baja izango da Panathinaikosen kontrako neurketan, gerrialdeko gainkarga batengatik. Izarrak prest egon nahi du igandean, Endesa Ligako partida garrantzitsuan, Joventuten aurka.

Baskonia, aukerarik gabe, joko onaren bila arituko da Euroligako gainontzeko neurketetan. Atenasen, final laurdenetara sailkatzeko borrokan arituko da aurkaria, eta partida zaila dirudi Gasteizko taldearentzat. Helburua zazpi porrotetako bolada txarra gelditzea izango da. Urtarrilaren 2tik ez du Euroligan irabazten.

Baskoniak behin baino ez du irabazi Panathinaikosen kantxan, 2006an, eta zortzi aldiz jokatu du han.