RETAbet.es GBCk porrota jaso du Sevillaren aurka

RETAbet.es GBCk porrot mingarria jaso du Baloncesto Sevillaren aurka (86-80) eta salbazioa lortzeko ametsa gero eta urrunago du. Gainera, Estudiantesek garaipena eskuratu du jardunaldi honetan. Albiste txarra gipuzkoarrentzat, orain bi garaipenera baitituzte Rio Natura Monbus eta Movistar Estudiantes taldeak.

Partida parekatua izan da, eta Gipuzkoa Basketek ondo jokatu du. Azken txanpan, ordea, Sevilla nagusitu da. Norgehiagoka RETAbet.es GBCren aldeko 39-42ko emaitzarekin iritsi da atsedenaldira. Hirugarren laurdena oso berdindua izan da, eta etxeko taldeak puntu bateko abantailarekin ekin dio azken laurdenari (57-56). Partidako une garrantzitsuenetan Sevillak gehiago asmatu du, eta garaipena erdietsi du (86-80).

Fitxa teknikoa:

86 - CB Sevilla (23+16+18+29): Hakanson (16), Bamforth (16), Berni Rodríguez (7), Nachbar (16), Balvin (2) -hasierako bostekoa-, Miljenovic (-), Oriola (9), Henton (-), Alfonso Sanchez (10) eta Jerome Jordan (10).

80 - Retabet.es GBC (24+18+14+24): Llompart (3), Txemi Urtasun (10), Jordi Grimau (15), Landry (15), David Doblas (7) -hasierako bostekoa-, Agbelese (4), Lawrence (13), Soluade (-), Zoran Vrkic (10) eta Travis Wear (3).

Árbitros: Garcia Gonzalez, Peruga eta Rial.