Gipuzkoa Basket, lan ona eta garaipena

Gipuzkoa Basketek garaipena lortu du Unicajaren aurka Illunben (69-61), eta denboraldiko bosgarren partida irabazi du Sito Alonsok zuzentzen duen taldeak.

Partida parekatua izan da, eta azken laurdeneko azken txanpan erabaki da. Lehen laurdena berdinduta bukatu da (14-14) eta bigarrena Unicajaren aldeko hiru puntuko abantailarekin amaitu da (30-33).

Atsedenalditik kantxara itzuli ostean, parekotasuna nagusi izan da, eta hirugarren laurdenaren amaieran, markagailuak 44nako berdinketa adierazten izan du (44-44). Azken laurdeneko azken txanpan Gipuzkoa Basketek markagailuan alde egitea lortu du (64-56), eta garaipenak ez dio ihes egin (69-61).

Fitxa teknikoa:

69.- Gipuzkoa Basket: Neto (7), Cortabarria (3), Robinson (8), Ramsdell (11), Doblas (19)-hasierako bostekoa- Winchester (12), Olaizola, Salgado (3), Hanley (6), Motos.

61.- Unicaja: Granger (16), Suárez (11), Vidal (7), Caner- Medley (4), Hettsheimeir (1)-hasierako bostekoa- Fran Vazquez, Sabonis, Urtasun, Toolson (7), Kuzminskas (2), Stimac (3), Calloway (10).

Epaileak: Bulto, Guirao, Rial.

Markagailua laurden bakoitzean: 14-14; 30-33-atsedenaldia- 44-44; 69-61.