Surne Bilbao Basket vs Tofas Bursa partida, zuzenean, eitb.eus-en eta ETB4n

Surne Bilbao Basketek gaur ekingo dio FIBA Europa Kopako final laurdenetako kanporaketari Tofas Bursaren kontra, Miribillan, 20:00etatik aurrera. Neurketa ikusgai izango da, eitb.eus-en streaming bidez, eta telebistaz, ETB4n.

Bilbao Basketek eta Tofas Bursak lehen faseko lau partidetako bi irabazi zituzten; bigarren fasean ere maila mantendu zuten, Turkiako taldeak K taldeko lehen tokian amaitu baitzuen, eta L multzoko bigarren, berriz, Bilbao Basketek. Hori guztia aztertuta, lehia bizian arituko direla aurreikusi daiteke.

Beltzezko gizonak Europako Txapelketa honetan egiten ari diren bide bikaina aprobetxatzen saiatuko dira, Endesa Ligako azken partidan Bàsquet Gironaren aurreko garaipenak (96-83) emandako kemenari etekina ateratzeaz gain.

Orhun Enek entrenatzen duen taldean, Alex Perez-Kaufman amerikar basea da jokalari esanguratsuenetako bat, Kristeon Bankston eta Yigitcan Saybir ahaztu gabe.

Kanporaketa datorren astean, martxoaren 12an, erabakiko da, Bursan (Turkia), 18:00etan.