Gescrap Bizkaiak denboraldia porrotarekin hasi du

Gescrap Bizkaia Bilbao Basketek ezin izan du Herbalife Kanaria Handia Endesa Ligako aurreneko neurketan gainditu. Fotis Katsikarisen mutilek 65-59 galdu dute, eta Bilboko taldeak ‘Harkaitza’n jokatu dituen 9 partidak galdu ditu.

Spencer Nelson estatubatuarra norgehiagokako protagonista izan da, 17 puntu eta 8 errebote lortuta, eta Kostas Vasileiadisek (14 puntu) eta Mumbruk (11 puntu) ezin izan dute erantzunik eman.

Talde horiak neurketako kontrola lehenengo laurdenetik hartu du, baina Gescrap Bizkaiak erasoan gogor sakatu egin du, markagailuan 19-16koa jarrita. Toolsonek eta Newleyk bikain gidatu dute Kanaria Handia, eta apurka etxeko taldea nagusitzen hasi da.

Bigarren laurdenean Bilbao Basket erasoan oso gaizki aritu da, eta Katsikarisen gizonek zazpi minututan soilik saskiraketa bat lortu dute. Herbalife Kanaria Handiak aise gainditu du Gescrap Bizkaiaren defentsa, eta hamabi puntuko aldea eskuratu (38-26).

Atsedenaldiaren ostean Bilboko taldeak beste aurpegi bat erakutsi du, eta azkeneko laurdenean markagailua iraultzea lortu du (52-53). Hala ere, Las Palmaseko taldeak defentsan sendo jarraitu du, eta garaipena talde horiak eskuratu du.

Fitxa teknikoa:

65. Herbalife Kanaria Handia 2014 (19+19+12+15): Bellas (-), Slokar (10), Toolson (13), Nelson (17) eta Newley (8) -hasierako bostekoa-, Alvarado (-), Guerra (-), Scheyer (8), Beiran (7) eta Prestes (2).

59. Gescrap Bizkaia Bilbao Basket (16+13+17+13): Mumbru (11), Lopez (4), Vasileiadis (14), Rakovic (2) -hasierako bostekoa- Zisis (7), Pilepic (4), Hervelle (4), Hamilton (8), Moerman (5) eta Grimau (-).