Unai Barandallak ez du Surne Bilbao Basketen jarraituko

Unai Barandallak ez du Surne Bilbao Basketen jarraituko. Jokalariak 19 partida jokatu ditu lehen taldeko kamisetarekin; 12 Endesa Ligan eta gainontzeko zazpiak Europan. Horrez gain, EBA taldeko erreferente nagusia izan da zilarrezko LEB mailara igotzeko lehian: 2023-24 denboraldian batez beste 20.3 puntu sartuta eta 5.8 errebote hartuta.

Klubak ohar batean adierazi duenez, erabakia jokalariarekin adostu dute jokalariak hurrengo mailan minutuak jokatu ahal izateko, horrek bere bilakaeran izango duen garrantziaz jakitun.

Halaber, Barandallari bere "entrenamendu bakoitzean erakutsitako inplikazioa eta lanerako jarrera" eskertu diote, baita kantxatik kanpo klubak izan dituen konpromisoetan ere.

Horri lotuta, Bilbao Baket harro agertu da harrobiko jokalari bat EBA ligan puntu gehien lortu dituen jokalaria izateaz, eta lehen taldeari lana eta minutu onak eman dizkiolako. "Agur hau gero arte bat izatea espero dugu", adierazi dute.