Mumbruk Bilbao Basket utziko duela iragarri du

Alex Mumbru entrenatzaileak Surne Bilbao Basket utziko duela iragarri du astelehen honetan. 13 denboraldi eman ditu Bilboko taldean, lehenengo bederatziak jokalari bezala eta azken laurak entrenatzaile gisa.

Mumbruk ofizial egin du euskal klubetik alde egingo duela Miribillako Bilbo Arenan emandako prentsaurrekoan. Isabel Iturbe presidentea eta Rafa Pueyo kirol-zuzendaria izan ditu lagun.

Mumbru 2009an iritsi zen Bilbao Basketera eta, jarduneko jokalari gisa erretiratu ondoren, euskal taldean jarraitu du entrenatzaile gisa 2018tik.

Jokalari zen garaian, Mumbru ACB Ligako final batera, Eurokopako final batera eta Euroligako final-laurdenetara iritsi zen, eta erretiroa hartu zuen urtean LEB Ligara jaitsi zen.

Entrenatzaile bezala, Mumbru Endesa Ligara igo zen entrenatzaile lanetan debuta egin zuen denboraldian eta Bilbao Basket maila gorenean mantendu du beste hiru denboraldiz.

Mumbruk Bilbao Basket uzteko "unea" dela uste du, "kluba finkatuta eta Europan" baitago, izan zituen ekonomia eta kirol arazoak atzean utzi ondoren.