Ben Lammers jokalariak Bilbao Basket utziko du Alba Berlinen jokatzeko

RETAbet Bilbao Basketek Ben Lammers estatubatuarrak taldea utziko duela konfirmatu du, Alba Berlin Alemaniako ligako txapeldunarekin jokatzeko. Aito García Reneses da Alba Berlineko entrenatzailea.

Lammersek 24 urte ditu eta 2,08 ,metro neurtzen du. Azken bi denboraldiak Bilbao Baketen egin ditu. 2018ko udan iritsi zen unibertsitateko ibilbidea Georgia Teach taldean amaitu ostean. Talde bilbotarrak 2018-2019 denboraldian ACBra lortutako igoeran jokalari erabakigarria izan zen.

Bukatu berri den denboraldian, Lammers ACBko ustekabeetako bat izan da, erakutsitako maila eta joko onagatik. 7,89 puntu sartu, 4,8 errebote  hartu eta 1,9 txapel jarri ditu batez beste partida bakoitzean jokatutako 20 minututan.

“Profesionaltasunaren adibide izan da eta taldekideen eta zaleen errespetua lortu du, bere lanari eta iraunkortasunari esker. Zorterik onena opa diogu bere kirol ibilbide berrian, Euroliga bezalako erronka garrantzitsuekin”, adierazi du Bilbao Basketek bere atarian.

Ben Lammers no continuará en RETAbet Bilbao Basket

Queremos agradecer al jugador su profesionalidad en estas dos temporadas como MIB, en las que se ha ganado el respeto y cariño de todos con constancia y trabajo.

Thank you Ben! Good luck! ¿

+Info: https://t.co/3dTSO1cytf pic.twitter.com/Gx8S0HdrHh

— RETAbet Bilbao Basket (@CDBILBAOBASKET) July 10, 2020