5,2 milioi euro Bilbao Basketentzat

Bizkaiko Foru Aldundiak 5,2 milioi euro emango dizkio Uxue Bilbao Basketi. Diru horretatik, 1,5 milioi baino ez ditu jasoko klubak, gainontzekoa ogasun publikoarekin duen zorra kitatzeko erabiliko baitu.

Hala adierazi du gaur Jose Luis Bilbao Bizkaiko ahaldun nagusiak. Bi arrazoi nagusiengatik dago Bilbao Basket egoera ekonomiko larrian: alde batetik, Aldundiak kirol profesionalari zuzendutako diru-laguntzak bertan behera utzi zituelako, eta bestetik, Uxue klubeko babesle berriak ez duelako ordaindu kontratuan hitzartutako diru kopurua.

Gauzak horrela, Bilbao Basket laguntzea erabaki du Bizkaiko Foru Aldundiak. Dirua bi epetan jasoko du klubak, lehena berehala, apirila bukatu aurretik, eta bestea abuztuaren amaieran.