Berdinketa da nagusi Binakako Txapelketako bigarren postuarekiko lehian

Binakako Txapelketako seigarren jardunaldiak hainbat gorabehera ekarri ditu, bigarren postua eskuratzeko lehia zirraragarria bilakatzen ari baita. Altunak eta Galarzak gora egin dute etengabe azken jardunaldietan eta 2020. urteko aurreneko egunean, Artola eta Imazi Astelena frontoian irabazi ondoren, arestian aipatutako bi bikoteen arteko berdinketa da nagusi bigarren postu horretan.

Jakak eta Zabaletak, bestalde, sailkapenaren gorenean jarraitzen dute Bengoetxea eta Mariezkurrenari irabazi ostean, bosgarren garaipena eskuratuz. Azken hauek, beraz, sailkapenaren amaieran kokatzen dira partida bakarrean gailendu direlarik. Azken aurreko postua, ordea, Olaizolak eta Urrutikoetxeak eskuratu dute Irribarria eta Rezustari 22-16 irabazita. Antzerako emaitza erdietsi zuten Ezkurdiak eta Martijak ere Labriten, Laso eta Albisuren aurka 22-17 gailenduta.