Wiggins txapeldun erlojupekoan, Castroviejo bederatzigarren

Bradley Wiggins Britainia Handiko txirrindulariak, Tourreko azken irabazleak, Olinpiar Jokoetako erlojupekoa irabazi du eta txapeldun olinpikoa da. Wigginseko 50:39ko denbora egin du 44 kilometrotan. Tony Martin alemaniarra (42 segundo) eta Chris Froome (1:08) herrikidea gainditu ditu.

Tourra irabazi eta hamar egun geroago, Wigginsek denboraldi ikaragarriari jarraipena eman dio erlojupekoan urrezko domina lortuta. Fabian Cancellara suitzarrari lekukoa hartu dio britainiarrak. Cancellarak erorikoa izan zuen iraupen-lasterketan eta azken kilometroetan proba utzi behar izan zuen.

Jonathan Castroviejo bizkaitarrak denborarik onena izan du amaierara arte , 53:29, baina azkenean bederatzigarren sailkatu da, irabazlearen denboratik 2:49ra.

Luis Leon Sanchezek matxura mekanikoa izan du hasieran eta bizikleta berria hartu arte segundo batzuk galdu ditu. Murtziako txirrindularia aukerarik gabe geratu da eta erlojupekoa utzi du.

Sailkapena:

1. Bradley Wiggins (Britain) 50:39.54
2. Tony Martin (Germany) 51:21.54
3. Chris Froome (Britain) 51:47.87
4. Taylor Phinney (U.S.) 52:38.07
5. Marco Pinotti (Italy) 52:49.28
6. Michael Rogers (Australia) 52:51.39
7. Fabian Cancellara (Switzerland) 52:53.71
8. Bert Grabsch (Germany) 53:18.04
9. Jonathan Castroviejo (Spain) 53:29.36
10. Janez Brajkovic (Slovenia) 54:09.72