Samuel Sanchezek ez du Olinpiar Jokoetan parte hartuko

"Kalitatezko" bi lan saio egin ditu Sanchezek. Eskuetako lesioen egoera ezagutzeko entrenamenduak izan dira. Euskalteleko txirrindularia Tourreko zazpigarren etapan erori zen.

Errepideko zuloek eragiten duten dardara jasateko zailtasunak dituela egiaztatu du txirrindulariak lan saioetan. Gainera, eskuin eskuarekin galgatzerik ez duela baieztatu du.

"Triste nago, baina onartu beharra dut, ez dut beste aukerarik. Osatzeko lan asko egin dut, baina egoera honetan lehiatzeko, galgatzeko zailtasunak ditut, arriskutsua litzateke niretzako eta tropeleko gainerako txirrindularientzako. Erantzukizunez jokatu behar dut, inor arriskuan jarri gabe eta senatzeko lanean jarraitu", adierazi du Samuel Sanchezek.

"Aspaldiko kirol erabikirik mingarriena izan da", onartu du Euskalteleko txirrindulariak, 2008ko urrezko domina defendatzea gustatuko litzaiokeelako, "bizitza aldatu" ziolako.