Real Madrilek eta Manchester Cityk abantaila hartu dute

Real Madrilek eta Manchester Cityk Txapeldunen Ligako finalerdietara sailkatzeko aurrerapausoa eman dute astearte honetan, final-laurdenetako joaneko partidetan garaipenak lortu ostean.

Alfredo Di Stefano estadioan Real Madrilek 3-1eko emaitzarekin irabazi dio Liverpooli. Zinedine Zidanek zuzentzen duen taldea jaun eta jabe izan da hasieratik amaieraraino. Viniciusek sartu du lehen gola (1-0) 26. minutuan eta Marco Asensiok jarri du 2-0ekoa markagailuan, 36. minutuan. Bigarren zatiaren hasieran, Liverpoolek aldeak murriztu ditu Salaheren bidez, neurketa guztian izan duen abagune bakarrean. Geroago, 65. minutuan, Viniciusek Real Madrilen hirugarren ola sartu du (3-1).

Ingalaterran, Etihad Stadiumean, Manchester Cityk garaipena lortu du Borussia Dortmunden aurka, 2-1eko emaitzarekin. Norgehiagokako lehen gola De Bruynek sartu du Cityrentzat (1-0). Reusek banakoa jarri du markagailuan (1-1) 84. minutuan, eta Fodenek erabaki du neurketa (2-1), 90. minutuan gola sartuta.