Leipzig finalerdietan da historian lehen aldiz, Atletico Madril gainditu ostean (2-1)

Leipzig taldea Atletico Madrili gailendu zaio (2-1) eta Txapeldunen Ligako finalerdiak jokatuko ditu bere historian lehen aldiz. Alemaniarren golak Dani Olmo espainiarrak eta Tyler Adams estatubatuarrak egin dituzte. Madrildarrena, berriz, Joao Felixek sartu du, penaltiz.

Lehen zatia hutsean amaitu da eta golak bigarrenean iritsi dira. 51. Minutuan, Dani Olmok buiruz egin du alemaniarren lehenengoa, Marcel Sabitzer austriarrak egindako erdiraketa aprobetxatuta.

20 minutu geroago, Joao Felixek banakoa egin du, penaltiz, Lucas Klostermann alemaniarrak egindako falta baten ondorioz. 2 eta 1ekoa 88. minutuan iritsi da, Adamsek areaz kapintik egindako jaurtiketak Stefan Savic jo eta ate barruan sartu ostean.

Fitxa teknikoa:

2 - Leipzig: Gulácsi; Klostermann, Upamecano, Halstenberg, Angeliño; Laimer (Adams, 72. min), Kampl; Sabitzer, Dani Olmo (Schick, 82. min), Nkunku (Haidara, 82. min); Poulsen.

1 - Atletico Madril: Oblak; Trippier, Savic, Giménez, Lodi; Koke (Felipe, 91. min), Herrera (Joao Félix, 58. min), Saúl, Carrasco; Llorente, Diego Costa (Morata, 72. min).

Golak: 1-0, 50. min: Dani Olmo. 1-1, 70. min: Joao Félix, penaltiz. 2-1, 87. min: Savic, bere atean.

Mood ¿¿

¿¿ #MissaoFinal #UCL pic.twitter.com/eg0auLQKHo

— RB Leipzig English (@RBLeipzig_EN) August 13, 2020