PSG – Real Madril eta Atletico – Juventus, gaurko lehia azpimarragarrienak

A, B, C eta D multzoak osatzen dituzten taldeek ekingo diote gaur 2019/2020ko Txapeldunen Ligako lehendabiziko jardunaldian.

Bi norgehiagoka nabarmentzen dira gainerako seien gainetik: batetik, A multzoari dagokion PSGren eta Real Madrilen artekoa, Parisen, Printzeen Parkean jokatuko dena; bestetik, Atleticok eta Juventusek Wanda Metropolitanon izango duten D multzoko lehia.

Neurketa guztiak 21:00etatik aurrera abiatuko dira, bi izan ezik: Brujas – Galatasaray (A multzoa) eta Olympiakos – Tottenham (B multzoa). Azken horretan, joan zen denboraldiko txapeldunordeak lehen urratsak emango ditu aurtengo txapelketan.

Honako hauek dira A, B, C eta D multzoetako 1. jardunaldiko norgehiagoka guztiak:

Irailak 18, asteazkena

A multzoa:

Brujas – Galatasaray (18:55)

PSG – Real Madril (21:00)

B multzoa:

Olympiakos – Tottenham (18:55)

Bayern Munich – Izar Gorria (21:00)

C multzoa:

Shakhtar – Manchester City (21:00)

Dinamo Zagreb – Atalanta (21:00)

D multzoa:

Atletico Madril – Juventus (21:00)

Leverkusen – Lokomotiv (21:00)