Urkok eta Zakharyanek garaipena eman diote Realari, Tokyo Verdy aurkari, Japoniako lagunartekoan (0-2)

Realak Tokyo Verdy menderatu du, 0-2, Japoniako Estadio Nazionalean, Tokion, asteazkenean, bi taldeek Real Sociedad Japan Tour 2024 ekimenaren testuinguruan jokatutako lagunarteko partidan. Urko Gonzalez de Zaratek eta Arsen Zakharyanek, 45. eta 91. minutuetan, Realari garaipena eman dioten golak sartu dituzte.

Hasierako hamaikakoan, Imanolek hainbat jokalari gazte zelairatu ditu, Fiabema eta Balda kasu, eta txapelketa ofizialetan beste taldekide batzuk baino minutu gutxiagotan aritu diren zenbait futbolari ere jarri ditu; esaterako, Brais, Aritz, Take Kubo eta Odriozola, besteak beste. Horiekin guztiekin, euskal taldea Japoniakoa baino gehiago izan da.

Horrenbestez, Realak garaipena erdietsita itxi du Japoniara egin duen bidaia. Denboraldi ofiziala amaituta eta lagunarteko hau jokatuta, Realeko jokalariak oporretan izango dira uztailean entrenamenduetara bueltatu arte.