Markagailuari buelta ematea, ia ezinezkoa Montanier dagoenetik

Philippe Montanier Realeko entrenatzailea deneteik, talde txuri-urdinak behin bakarrik eman dio buelta aurkako emaitza bati. Markagailuan aztetik joatea, partida galduta izatea da Realarentzat.

Mallorcaren aurkako partida da azken adibidea. Victor Casadesusek 1-0ekoa sartu zuen Mallorcarentzat, eta Reala ez zen partida berdintzeko gai izan.

2011. urtean lortu zuten azkenengoz aurkako emaitza bati buelta ematea. Malagaren aurkako partidan izan zen. Malaga 1-2 irabazten zebilen Anoetan, baina Realak partida berdindu (2-2) eta luzapenean garaipena eskuratu zuen (3-2).

Ordutik aurrera, 2012. urtean, Reala ez da aurkako emaitza bati buelta emateko gai izan. 2012ko apririlean Vila-realen aurka berdintzea lortu zuen Realak, galtzen joanda. Vila-real 1-0 irabazten zebilen, eta Velaren gol bati esker, 1-1 berdindu zuen talde txuri-urdinak.

Reala astearte honetan itzuli da lan saioetara. Zaragozaren aurka jokatuko du bi aste barru, eta jokalari txuri-urdinek partida horretan dute jomuga.