Reala
Lesioa
Kieran Tierneyk lesioa du, ezker izterreko iskiosural giharrean, eta aste batzuk emango ditu jokatu ezinik
EITB MEDIA
Realeko atzelaria larunbatean lesionatu zen, Reala-Athletic derbian, Reale Arenan; 26. minutuan utzi behar izan zuen zelaia. Realak zehaztu duenez, fisioterapia bidezko tratamendua jasotzen hasi da.
-
Kieran Tierney, larunbateko derbian, Gorka Guruzetaren aurrean. Argazkia: EFE.
Albisteak (1)
Kieran Tierney Realeko atzelariak lesioa du "ezker izterreko iskiosural giharrean", Gipuzkoako klubak azken orduetan baieztatu duenez. Tierneyk, ondorioz, aste batzuk emango ditu jokatu ezinik.
Futbolari eskoziarra larunbatean lesionatu zen, Reale Arenan, Reala-Athletic derbian, EA Sports Ligako zortzigarren jardunaldiko partidan (3-0); 26. minutuan, jokaldi batean, eskua altxatu zuen, eta lurrean gelditu zen, minduta. Aihen Muñoz zelairatu zen haren ordez.
Realak adierazi duenez, Tierney "fisioterapia bidezko tratamenduarekin hasi da"; jokalaria lesioaren eta haren eboluzioaren arabera itzuliko da aktibitatera. Talde txuri-urdinak asteartean du hurrengo partida, Salzburgon, Txapeldunen Ligako multzoen faseko bigarren jardunaldian, 18:45ean hasita.
Hurrengo zuzenekoak
- Gaur
- IG.
- AL.
- AS.
- AZ.
- OG.
- OR.
| 09 | 16:15 - 18:15 | FUTBOLA | Vila-real vs Alaves |
| 09 | 17:15 - 20:00 | PILOTA | Lau t'erdiko txapelketa | Finalaurrekoa: Jaka vs P. Etxeberria |
-
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
