Silvak lesioa du ezkerreko soleoan

David Silvak "lesioa du ezker soleoko muskuluan", Realak egindako probetan ikusi ahal izan denez. Argitaratutako parte medikoan ez dute sendatzeko epea zehaztu, baina ziurra da ez dela prest egongo igandean Real Madrilen aurka jokatzeko.

Jokalari kanariarrak min hartu zuen asteartean Errege Kopako final-laurdenetako partidaren aurreko azken entrenamenduan. Realak Bartzelonaren aurka jokatu zuen atzo, eta lesioak deialditik kanpo utzi zuen.

Klubak adierazi duenez, jokalaria "fisioterapia bidez" tratatzen hasi dira eta "lan pertsonalizatua egiten ari dira, gainbegiratuta".

Txostenak ez du sendatze-epe zehatzik ezartzen, baina "normaltasunera itzultzea lesioaren ezaugarrien eta prozesuaren bilakaeraren araberakoa" izango dela zehazten du.