Oporretatik bueltan, Realarekin entrenatzen hasi da Januzaj

Asier Garitanok, Realaren entrenatzaileak, lanean ditu jokalari guztiak, behin Adnan Januzaj oporretatik itzulita. Errusiako Munduko Txapelketan parte hartu zuen belgikarrak.

23 urteko jokalariaren bigarren denboraldia izango da Realean. Aurreko lerroaren zati garrantzitsua da belgikarra. Bakarrik egin du lehenengo entrenamendua, gainontzeko jokalariak, hiru aste baino gehiagoko prestaketaren ostean, beste maila fisiko batean dagoelako.

Januzaj hobetuz joan zen aurreko denboraldian, lau gol eta sei asistentziarekin. Gainera, Errusian onenetarikoa izan da Belgikako selekzioa.

Entrenatzaileak 24 jokalari ditu, guztira, lehen taldean. Momentuz, fitxaketa bakarra Mikel Merino izan da. Donostiako taldeak ez du presarik falta zaiona merkatuan eskuratzeko: ezker hegaleko bat eta erasoko jokalari bat.

Hector Hernandez, Kevin Rodrigues eta Alberto de la Bella ezker hegaleko atzelariek taldean jarraitzen dute, baina zaila ematen du klubak hirurok kontuan izatea.

David Concha ere zalantza da. Denboraldi-aurreko partidetan sasoian dagoela erakutsi du, bi gol sartuta, baina ez dauka ziurtatuta bere postua.

Jon Guridiren egoera, lesio batetik osatu berria, ere hori da.