Eusebio baja askorekin hasi da bere debuta prestatzen

Realaren entrenatzaile berriak, Eusebio Sacristanek, zailtasunak izango ditu Sevillaren aurka bere debuta prestatzeko. Lesioek, taldean garrantzitsuak diren lau jokalari gal ditzake larunbateko partidarako.

Joseba Zalduak oso zail izango du Sevillaren aurka jokatu ahal izatea eta Mexikoko selekzioarekin dagoen Diego Reyes zein egoeratan itzultzen den ikusi egin beharko da. Bestalde, Asier Illarramendi zalantza izango da, min harturik baitabil, gainkargekin.

Sevillaren aurka egongo ez dena David Zurutuza izango da. Erdilaria min hartuta dago, eta aste batzuetarako baja izango da. Jonathas de Jesus ere lesionatuta dago.

Bestalde, Eusebiok ezin izan du orain arte Carlos Velarekin lan saiorik burutu, Mexikoko selekzioarekin baitago. Salvadorren aurka jokatutako adiskidantzazko partidan gola sartu zuen Realeko aurrelariak.