Denboraldi-aurreko lehen garaipena erdietsi du Realak

Realak denboraldi-aurreko lehen garaipena erdietsi du astelehen honetan, Eskoziako Bigarren Mailako Livingstonen aurka. Zurutuzak sartu zuen garaipena eman zion gola.

Donostiarrak jaun eta jabe izan ziren norgehiagoka osoan zehar, eta jokalariren bat azpimarratzekotan, Sergio Canales ondo baino hobeto aritu zela esan beharra dago.

Neurketaren 28. minutuan iritsi zen Realaren gola, David Zurutuza erdilariaren eskutik. Bigarren zatian, ordea, erritmoa moteldu zuten txuri-urdinek; izan ere, eskoziarrak ez ziren batere lehiakor agertu, eta, ondorioz, Moyesen mutilek nahiko eroso aritzeko beta izan zuten.

FICHA TEKNIKOA:

0 - Livingston F.C: Jamieson, Millen, Longridge, Sives, Neil, Mullen; Hipolyte, Pittman, Gibbons; Georgiev, Buchanan. Trialist, Blanco, Livi , Curry, Knox eta Glen.

1 - Reala: Rulli; Mikel, Iñigo, De la Bella; Markel, Zubeldia; Muguruza, Zurutuza, Capilla; Canales. Bigarren zatian, Ansotegi, Granero, Hector, Hervias, Oyarzabal, Tena, Zaldua, Finnboganso eta Aritz Elustondo.