Anoetako lanak egiteko dirua emango du Eusko Jaurlaritzak

Eusko Jaurlaritzak Anoetako futbol-zelaian lanak egiteko dirua emango duela iragarri du Iñigo Urkullu lehendakariak. Atletismoko pistak kentzeko inbertituko da diru hori.

Lehendakariak Jaurlaritzak 3,3 milioi euro emango dituela 2015, 2016 eta 2017 urteetan baieztatu du ere.

Gasteizko gobernuak duela 20 urte Anoetako eraikuntzan parte hartu zuen, San Mames Barrian edo Buesa Arenan egin duen bezala.

Aperribayren proiektua

Donostiako taldeak ia 49 milioi euroko aurrekontua izango du, 2002-2003 denboraldian baino 4 milioi gehiagokoa (orduan ere jokatu zuen Txapeldunen Liga); bere historiako altuena.

Bazkideek ia aho batez agertu zioten babesa Aperribayri, bazkideen % 97k jarraitzearen aldeko botoa eman baitzuten. Presidentearen helburua argia da: Anoeta birmoldatzea eta taldeak Europan sarriago jokatzea.