Futbola
Igotzeko play-offa
Oviedo-Espanyol, EA Sports Ligara igotzeko play-offaren finala
EITB MEDIA
Espanyol izango da Oviedoren aurkaria EA Sports Ligara igotzeko finalean, ostegunean Sporting Gijon kanporatu ondoren. Oviedoren eta Espanyolen arteko finala igande honetan hasiko da, 18:30ean, joaneko partidarekin; itzulikoa, berriz, ekainaren 23an jokatuko da.
-
RCD Espanyoleko jokalariak playoffetako finalerako txartela ospatzen Argazkia: EFE
Espanyolek golik gabe berdindu du ostegun honetan Sporting Gijonen aurka Stage Front Stadiumen, eta, Molinonen joaneko partidan lortutako 0-1ekoari esker, Lehen Mailara igotzeko play-offaren azken kanporaketarako sailkatu da. Horrela, bada, Real Oviedoren aurka jokatuko du, asteazkenean Eibar kanporatu baitu.
Talde armaginak 0-2 galdu zuen, Ipuruan, play-offeko lehen kanporaketako itzuliko partidan, eta emaitza horrek, Carlos Tartiere zelaian jokatutako joanekoa 0-0 amaitu zenez, Oviedori eman zion finalerako txartela. Alemaok (59. minutuan) eta Sebas Moyanok (79.ean) egin zituzten Asturiasko taldearen bi golak.
Lehen Mailara igotzeko play-offetako finaleko partidak ekainaren 16an eta 23an jokatuko dira. Joanekoa Carlos Tartiere Estadioan jokatuko da, eta itzulikoa, Stage Front Stadiumen. Bi kasuetan, partida 18:30ean hasiko da.
Hurrengo zuzenekoak
- Gaur
- AL.
- AS.
- AZ.
- OG.
- OR.
- LR.
| 03 |
15:30 - 17:30 |
CROSSFIT | Basque Crossfit Txapelketa |
| 03 |
17:00 - 20:00 |
PELOTA | 4 t'erdiko ligaxka: Altuna III vs Zubizarreta III |
-
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
