Aritz Castrok ordezkatuko du Jokin Ezkieta Euskal Selekzioaren deialdian

Aritz Castro Alaveseko atezaina deitu du Javier Clemente Euskal Selekzioko hautatzaileak Costa Ricaren aurkako asteleheneko partidarako. Neurketa Ipuruan jokatuko da, 20:45ean.

Castrok Jokin Ezkieta ordezkatuko du. Athleticeko atezainak positibo eman du COVID-19 koronabirusaren proban, eta ezingo du datorren azaroaren 16ko norgehiagoka jokatu.

Honela geratzen da deialdia:

Atezainak: Iago Herrerin eta Aritz Castro.

Defentsak: Yeray, Agirregaribiria, Balenziaga, Arbilla, Yuri, Zaldua, Ahien, Capa eta Unai Nuñez.

Erdilariak: Oier Sanjurjo, Manu Garcia, Roberto Torres, Dani Garcia, Igor Zubeldia, Ander Guevara eta Iker Muniain.

Aurrelariak: Jon Bautista, Morcillo, Williams eta Villalibre.