Belgika, Italia, Errusia eta Polonia, Eurokopara sailkatuta dauden lehen selekzioak

Belgika, Italia, Errusia eta Polonia dira 2020ko Eurokoparako sailkapena lortu duten lehen lau selekzioak. EURO 2020 txapelketa ekainaren 12an hasi eta uztailaren 12an bukatuko da. San Mames izango da egoitzetako bat, eta Bilboko estadioak multzoen faseko hiru partida (E multzokoak) eta final-zortzirenetako neurketa bat hartuko ditu.

Errusiak eta Belgikak txartela lortu dute sailkapen faseko I multzoan. Belgikak jokatu dituen zortzi partidak irabazi ditu; Errusiak, aldiz, zazpi irabazi ditu, eta bakarra galdu du.

Italia jaun eta jabe izan da J multzoan, zazpitik zazpi norgehiagoka irabazita. Bestalde, Poloniak sei partida irabazita, bat berdinduta eta bat galduta lortu du Eurokoparako txartela.