Pique begitan hartu dute Leongo zaleek

Leongo zaleek begitan hartu dute Gerard Pique Bartzelonako jokalaria. Espainiako Selekzioa Leonera heldu zenetik txistuak entzun behar izan ditu katalanak, eta Costa Ricaren aurka Reino de Leonen jokatutako partidan ere txistualdia jaso zuen.

Piquek ez du bere ideia politikoak adierazteko arazorik izan, Kopako finalean himnoaren kontrako txistualdia egin zutenen alde agertu zen eta Barçak egindako jaian Kevin Roldan aipatu zuen. Horrek guztiak Leongo zaleen haserrea piztu du.

Real Madrileko Iker Casillas eta Sergio Ramos jokalariek, bestalde, zaleen babesa jaso dute uneoro.

Espainiaren garaipena

Espainiako Selekzioak Costa Rica gainditu zuen (2-1) Reino de Leonen jokatutako lagunarteko partidan. Espainiarren golak Alcacerrek eta Fabregasek egin zituzten.

Fitxa teknikoa:

2 - Espainia: De Gea; Carvajal, Marc Bartra, Sergio Ramos (Pique, 58'), Bernat; San Jose (Busquets, 73'), Koke (Cazorla, 58'), Cesc (Isco, 82'), Aleix Vidal (Vitolo, 46'), Nolito (Silva, 58') eta Alcacer.

1 - Costa Rica: Keylor Navas; Christian Gamboa, Michael Umaña, Giancarlo Gonzalez, Roy Miller, Junior Diaz (Aguilar, 81'); Celso Borges (Saborio, 89'), David Guzman (Cubero, 68'); Joel Campbell, Bryan Ruiz eta Johan Venegas (Vega, 67').

Golak:

0-1, 6': Venegas.

1-1, 8': Alcacer.

2-1, 30': Cesc.