David Moyes entrenatzailea kargutik kendu du Manchester United taldeak

David Moyes Manchester United taldeko entrenatzaileak "kluba utzi du", Manchesterrek berak Twitter bidez iragarritakoaren arabera.

Deabru gorrien aulkian izan den ia 10 hilabeteetan egindako "lana, zintzotasuna eta prestutasuna" eskertu dizkio klubak.

BREAKING: Manchester United announces that David Moyes has left the club. (part 1 of 2) #mufc

— Manchester United (@ManUtd) abril 22, 2014

Moyes eskoziarrak presio handia jasan du azken asteetan taldeak izandako emaitza txarren ondorioz. David Moyesek Alex Ferguson herrikidearen lekua bete zuen uztailean, sei denboralditarako kontratua sinatuta.

Kargugabetzea iragarri eta berehala, klubak Moyesen ordezkoaren izena eman du: Ryan Giggs jokalari beteranoak egingo ditu entrenatzailea lanak, zuzendaritzak beste entrenatzaile bat aurkitu arte.

BREAKING: Ryan Giggs will assume first-team responsibility at #mufc until a permanent manager is appointed. More: http://t.co/883hYw50DK

— Manchester United (@ManUtd) abril 22, 2014

Gaur egun, Manchester United sailkapeneko zazpigarren postuan dago; 57 puntu ditu eta Liverpool liderra 23 puntura dauka, liga amaitzeko lau partida falta direnean.

Txapeldunen Ligatik kanpo

Moyesen gidaritzapean, Manchesterrek ligako sei partida galdu ditu etxean, eta Txapeldunen Ligatik kanpo geratu da final-laurdenetan, Bayern Munichen aurka galduta.

Martxoan, zenbait zalek hegazkin bat alokatu zuten, Old Trafforden gainetik hegan egin zezan, mezu hau zuen pankarta bat erakusteko: "Wrong one – Moyes out" (Okerreko aukera – Moyes kanpora).