Ronaldok, Messik eta Riberyk Urrezko Baloia dute jokoan

Heldu da eguna. Astelehenean jakingo da nor den 2013ko Urrezko Baloiaren irabazlea.

Lionel Messi (Bartzelona) argentinarra, Cristiano Ronaldo (Real Madril) portugaldarra eta Frank Ribery (Bayern Munich) frantziarra dira FIFAren 2013ko  Urrezko Baloia saria jasotzeko hiru finalista ofizialak.

Messik irabazi du sari hau azken urteetan (2009-2012), eta Cristiano Ronaldok 2008. urtean irabazi zuen. Frank Riberyk, aldiz, ez du sari hau inoiz irabazi.

Entrenatzaileei dagokienez, Alex Ferguson (Manchester Unitedeko entrenatzaile ohia), Jupp Heynckes (Bayern Municheko entrenatzaile ohia) eta Jurgen Klopp (Borussia Dortmundeko entrenatzailea) dira 2013ko saria jasotzeko hiru finalistak.