Levantek final-zortzirenetara sailkatzeko aurrerapausoa eman du

Levantek Europa Ligako final-zortzirenetara sailkatzeko aurrerapausoa eman zuen Olympiacosi 3-0 irabazita final-hamaseirenetako joaneko partidan.

Hamargarren minutuan 1-0ekoa sartu zuen Levantek Pedro Riosen bitartez. 28. minutuan Olympiacos hamar jokalarirekin geratu zen Abdounek bigarren txartel horia ikusi zuelako, eta 40. minutuan Barkerok sartu zuen 2-0koa penaltiz. Bigarren zatian Martinsek markagailua biribildu zuen 3-0ekoa sartuta.

Fitxa teknikoa:

3 - Levante: Keylor Navas, Pedro López, Héctor Rodas, David Navarro, Juanfran, Diop (Michel, 61. min), Iborra, Pedro Rios (Valdo, 67. min), Barkero, Ruben eta Martins (Acquafresca, 82. min).

0 - Olympiacos: Megyeri, Maniatis, Manolas, Contreras, Holebas, Modesto (Greco, 46. min), Fejsa, Abdoun, Paulo Machado (Fetfatzidis, 75. min), Viachodimos (Mitroglou, 59. min) eta Djebbour.

Golak: 1-0, 10. min: Pedro Rios. 2-0, 40. min: Barkerok penaltiz. 3-0, 56. min: Martins.

Epailea: Manuel Gräfe (GER).