Osasunak Toulousen aurkako lagunartekoa galdu du

Osasunak ezin izan du Toulousen aurkako lagunartekoa (L’Argente de Mont Marsan estadioan) irabazi, Frantziako taldea bigarren zatian nagusi izan baita. Toulousek markagailuan aurrea hartu du Yannickek egindako golarekin (50. minutua), eta Riviere aurrelariak 2-0ekoa lortu du, 66. minutuan. Iruñeko taldearen gola Roberto Torresek eskuratu du, 79. minutuan.

Talde gorritxoak ligako hurrengo aurkariaren kontrako partida prestatzen jarraitu beharko du, Athleticen aurka San Mamesen porrot mingarria jaso ostean.

Fitxa teknikoa:

Toulouse FC: Blondel, Yago, Ninkof, Aurief, Zebina, Didot, SIrieix, Regattin, Yannick, Akpra Akpro eta Riviere.  Firminek eta Aguemonek ere jokatu dute.

CA Osasuna: Riesgo, Ruben, Flaño, Echaide, Nano, Sola, Puñal, Cejudo, Lamah, Torres eta Loe. Sisik, Timorrek, Onwuk eta Oierrek ere jokatu dute.

Golak: 1-0, 50. minutua: Yannick. 2-0, 66. minutua: Riviere. 2-1 79. minutua: Roberto Torres.