Vicente Moreno izango da Osasunaren entrenatzailea

Vicente Moreno teknikari valentziarra izango da Osasunaren entrenatzailea datorren denboraldian (24-25), Jagoba Arrasatek kargua utzi ostean, klubak astelehen honetan kaleratutako ohar batean jakinarazi duenez. Dani Pendin izango da bigarren entrenatzailea, Dani Pastor prestatzaile fisikoa eta Ramon Alturo analista nagusia. Gorritxoen entrenatzaile berriak prentsaurrekoa emango du asteartean Sadarren.

Xerezen ekin zion entrenatzaile bideari Morenok, eta Bigarren Mailari eustea lortu zuen. Ondoren, Lehen Maialarako igoera bizi izan zuen Espanyolekin eta Mallorcarekin. Horrez gain, Bigarren Mailara eraman zituen Mallorca bera eta Tarragonako Nastic. Liga arabiarreko Al-Shabab taldetik pasa eta gero, LaLigara itzuli zen denboraldi hasieran, Almeria gidatzeko, baina zazpi partida soilik egin zituen han.

Entrenatzaile gisa hasi aurretik, futbolari profesionala izan zen 12 denboraldiz Xerezen. Klubaren historian taldeko kamiseta gehien jantzi zuen jokalaria izan zen Moreno.

ADIERAZPEN OFIZIALA | Vicente Moreno, Osasunako entrenatzaile berria.

¿¿ https://t.co/cDz0m7Uwf7#BienvenidoVicente #OngiEtorriVicente #WelcomeVicente pic.twitter.com/JJp5fDYWYM

— C. A. OSASUNA (@Osasuna_eus) May 27, 2024