Osasuna
Konferentzia Liga
Osasunak ez du jaso, asteazkenetik, UEFAren informazio berririk, irekitako ikerketaz
EITB MEDIA
Nafarroako kluba bere defentsa prestatzen ari da; izan ere, zigorra izatekotan, helegitea aurkeztu ahalko luke. Osasunak uste du UEFAk 10-20 bat egun barru jakinaraziko diola zer ebatzi duen.
-
Osasuna-Girona partidaren jokaldi bat; Santander Ligako azkena izan zen. Argazkia: EFE.
Osasunak ez du jaso, aurreko asteazkeneko azken ordutik, UEFAren informazio berririk, Nafarroako kluba 2023-24 Konferentzia Ligan onartua izatearen gainean irekitako ikerketaz.
Hala, Iruñeko taldea defentsa ari prestatzen; izan ere, zigorra izatekotan, aukera izango luke helegitea aurkezteko. Osasunak, baina, ez daki noiz izango duen Osasunaren ebazpenaren berri; talde gorritxoaren Zuzendaritza Batzordearen ustea da 10-20 egun barru izango dela, alegia, ekainaren azken hamar egunetan.
Osasuna Konferentzia Ligaren barnean uztailaren 7an egingo duten zozketan egon beharko litzateke, eta, hortaz, ebazpena egun hori iritsi aurretik jakinarazi beharko lukete, baina, arestian esan bezala, ez dago argi zehazki noiz gertatuko den hori.
Hurrengo zuzenekoak
- Gaur
- IG.
- AL.
- AS.
- AZ.
- OG.
- OR.
| 09 | 16:15 - 18:15 | FUTBOLA | Vila-real vs Alaves |
| 09 | 17:15 - 20:00 | PILOTA | Lau t'erdiko txapelketa | Finalaurrekoa: Jaka vs P. Etxeberria |
-
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
