Osasuna
Errege Kopa
Erredakzioa
Braulio Vazquez Osasunako kirol-zuzendariak, talde gorritxoak Errege Kopan aurkari izango duen Recreativo Huelva taldearen analisia egin du.
Braulio Vazquez, Osasunako kirol-zuzendaria. Argazkia: EiTB
Braulio Vazquez Osasunako kirol-zuzendariak, talde gorritxoak Errege Kopan aurkari izango duen Recreativo Huelvari buruz hitz egin du. "Historiagatik, Recreativori ez dagokio Bigarren B Mailan egotea", adierazi du Brauliok.
"Mailaz igotzeko taldea osatu du Recreativok. Goragoko mailetan jokatu duten Ruben Cruz, Chuli edo Jorge Morcillo bezalako jokalariak ditu", gaineratu du Osasunako kirol-zuzendariak.
Recreativoren zaleen garrantzia ere azpimarratu du Braulio Vazquezek: "Zale bikainak ditu Recrek. Gainera, Colombino estadio zoragarria da, historikoa, eta aurreko kanporaketetan bizi izan dugu zein zaila den partida bakarrera aurrera egitea".
Osasunak Recreativoren aurka jokatu zuen 2019ko irailaren 4an Colombino Trofeoko partida, eta talde gorritxoak irabazi zuen neurketa 0-1eko emaitzarekin, golegilea Adrian izan zelarik.
Hurrengo zuzenekoak
21 | 11:59 - 13:59 | ZESTA-PUNTA | Emakumezkoen Hondarribiko Grand Slameko finala |
21 | 15:30 - 17:09 | ERREMONTEA | Banakako finala: Ansa II vs Urriza |
21 | 17:10 - 19:59 | PILOTA | San Mateoak: Ezkurdia-Martija vs Dario-Rezusta |
22 | 22:00 - 00:30 | HERRI KIROLAK | EUSKAL PENTATLOIKO FINALA |
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa