Osasuna, Madrilen ezustekoa emateko ilusioarekin

Osasunak emaitza ona lortzeko ilusioa du, Real Madrilen aurkako joaneko neurketan. Gorritxoek Santiago Bernabeu estadioan partida borobila jokatu beharko dute Iruñera sailkatzeko aukerekin itzultzeko.

Abenduaren 14an, Javi Graciaren gizonek 2-2 egin zuten Sadarren Real Madrilen kontra, eta gorritxoek bolada onarekin jarraitzeko asmoa dute. Celtaren aurka 1-1 egin zuten, eta 2014a garaipenarekin hasi dute, Espanyol 1-0 gainditu ondoren.

Osasunako jokalariek kanporaketa gainditzeko ilusioa dute, baina argi utzi dute Ancelottiren gizonak faborito argiak direla. "Partida ona egin beharko dugu, Real Madril talde handia baita, eta irabaztea oso zaila izango delako", esan du Cejudok prentsaurrekoan.

Nafarroako taldeak soilik bi garaipen lortu ditu etxetik kanpora, denboraldi honetan: Malagaren aurka (0-1), eta Valladolien aurka (0-1).

Ninok, Sisik, Manu Onwuk eta Armenterosek lesionaturik jarraitzen dute, baina Graciak Damia hegalaria berreskuratu du Espanyolen kontra zigorra bete ondoren.

Ustezko hamaikakoak:

Real Madril: Casillas; Arbeloa, Nacho, Sergio Ramos, Marcelo; Illarramendi, Modric; Bale, Isco, Cristiano Ronaldo; Jese edo Benzema.

Osasuna: Riesgo; Damia, Flaño, Oier, Joan Oriol; Silva, Puñal; Cejudo, Torres, Jose Garcia; eta Oriol Riera.