Suitza, A multzoko lehen tokian, Filipinak 2-0 mendean hartu ostean

Suitzak 2-0 irabazi dio Filipinetako taldeari Mundialeko Multzoen Fasean, ostiral goizean Dunedin hiriko Forsyth Barr estadioan jokatutako partidan. Emaitza horrekin, A taldeko liderra da, Zeelanda Berriko selekzioari gol bateko aldea ateratzen baitio.

16. minutuan, jokoz kanpo egoteagatik baliorik gabe utzitako filipinarren gol batekin abiatu da neurketa. Ondoren, Ramona Bachmannek penaltiz sartutako golari esker, aurretik jarri da Suitza, eta abantaila horrekin iritsi dira atsedenaldira.

Sow, Crnogorcevic eta Piubel jokalariek bigarren zatiaren hasieran zenbait aukera izan arren, 64. minutura arte ez da Suitzaren bigarren gola iritsi. Puibelek sareetara bidali du Olivia MC-Danielen errebote bat.