Inui japoniarrak Betisekin sinatu du 2021 arte

Takashi Inui Eibarreko jokalari ohiak 2021. urtera arteko kontratua sinatu du Betisekin. Talde andaluziarrak datorren denboraldiari begira egiten duen lehen fitxaketa da nazioarteko jokalari japoniarrarena.

Inuik 30 urte beteko ditu larunbat honetan eta 2007an egin duen debuta Yokohama Marinos taldearekin. Ondoren, Cerezo Osaka taldera joan zen eta 2011ko udan Europara etorri zen, Bochum talde alemaniarrean jokatzeko. 2012an Eintracht Frankfurt alemaniarrak fitxatu zuen.

2015ean, Inui Eibarko historiako fitxaketarik garestiena izan zen. Hiru denboraldi eman ditu talde armaginean: 94 partida jokatu ditu eta horieta 12 asistentzia eman eta 11 gol sartu ditu.

Japoneko selekzioarekin 25 aldiz jokatu du, eta Akira Nishino selekzionatzaileak Errusiako Munduko Txapelketarako zerrendan sartu du.

¡Silencio, que habla @takashi73784537! ¿¿¿ #Inui2021 pic.twitter.com/kCIB539xOO

— Real Betis Balompié (@RealBetis) 1 de junio de 2018