Eibarrek garaipena nahi du Rosaledan

Eibarrek ez du inoiz Rosaleda futbol-zelaian irabazi. Lau aldiz jokatu dute, Lehen Mailan, Bigarren Mailan eta Kopan, eta armaginek berdinketa bat eta hiru porrot lortu dituzte.

Egun, sasoian da Jose Luis Mendilibarren taldea zazpi punturekin ligan; aukera ona garaipena erdiesteko, Malagak hasiera kaskarra izan baitu.

Asier Riesgo hamaikakora itzuliko da behin zigorra gaindituta, baina Yoel Rodríguez, Dani Garcia eta Ivan Ramis jokalariek ezin izango dute jokatu.

Ustezko hamaikakoak

Malaga CF: Kameni; Rosales, Kone, Llorente, Juan Carlos; Keko, Camacho, Recio, Jony; Juanpi eta Charles.

SD Eibar: Riesgo; Arbilla, Dos Santos, Lejeune, David Junca; Adrian edo Rivera, Escalante; Ruben Peña edo Inui, Jota Peleteiro, Bebe; eta Nano.

Epailea: Ignacio Iglesias Villanueva.

Futbol-zelaia: La Rosaleda.

Ordua: 20.00