Alavesek, Eibarrek eta Bilbao Athleticek ez dute hutsik egin

Alavesek Bigarren B Mailako 2. multzoko lehenengo postuan jarraitzen du, baina Eibarrek puntu bakarrera mantentzea lortu du. Arabako taldeak garaipena erraza eskuratu du Izarraren aurka (2-0), eta armaginek ere 2-0 gainditu dute Racing B, Ipuruan. Zigandak zuzendutako Bilbao Athleticek ere ez du hutsik egin, eta Teruelen 0-3eko emaitza borobila lortu du. Zuri-gorriak hirugarren sailkatuak dira, liderrarengandik 5 puntura, eta Amorebietak laugarren jarraitzen du.

Gainera, Reala Bk etxean 1-1 egin du Gimnastikaren aurka, eta Barakaldok jipoia eman dio SD Logroñesi (4-0), Lasesarren. Real Unionek eta Tudelanok 1-1 egin dute, eta Sestao Riverrek ere puntu bakarra eskuratu du UD Logroñesen aurka (0-0). Osasuna Bk garaipena garrantzitsua lortu du Lleidaren aurka (3-1), baina gorritxoek jaitsiera postuetan jarraitzen dute, salbaziotik 5 puntura.

19. jardunaldiko emaitzak:

SD Noja 1-1 Real Zaragoza B

Peña Sport FC 0-1 Amorebieta

CD Teruel 0-3 Bilbao Athletic

Reala B 1-1 RS Gimnastica

SD Eibar 2-0  Real Racing B

Deportivo Alaves 2-0 Izarra

Barakaldo CF 4-0 SD Logroñes

Real Union 1-1 CD Tudelano

UD Logroñes 0-0 Sestao River

Osasuna B 3-1 Lleida Esportiu