Athleticek Madril CFF kanporatu du Kopatik (0-1)

Athleticek Erreginaren Kopako final-laurdenetarako txartela lortu du Madril CFF mendean hartuta (0-1).

Athleticek bere partida plana osatu du, izan ere, Clara Pinedok kontraerasoan egindako golaren ondoren, 15 minutu eskas igarota.

Lehen minutuak oso parekatuak izan dira, eta bi taldeek kontrako area bilatu dute. Baina aukera argirik gabe, Kundananjiren jaurtiketa batek bi zutoinen kontra jo duen arte, partidako lehen sustoa emanez.

Euskaldunek erreakzionatu egin dute, eta Pinedok sartu du partidako gol bakarra, denboraldiko bosgarrena berarentzat.

Hortik aurrera, Athletic buru-belarri aritu da markagailuko abantailari eusteko, lehia defentsan kontzentratuz.

Atsedenalditik bueltan euskal taldeak lerroak atzeratu ditu Madril CFFri aurkariaren atera erraz iristea eragotziz.

Kundananji ingelesaren hurbilketak izan ezik, etxeko taldeak ez du arriskurik sortu Mariasunen atean, eta bilbotarrak final-laurdenetako zozketan izango dira.