Athletic eroso gailendu da Rayo Vallecanoren etxean (1-4)

Athletic 1 eta 4 gailendu da Primera Iberdrola ligako 10. jardunaldian, grebaren ondorioz bi aste jokatu gabe eman ostean. Zuri-gorriek lehen zati oso ona jokatu dute eta bigarren zatian ondo eutsi diote jokoaren erritmoari.

Lehen gola 29. minutuan egin dute bilbotarrek, Azkonak egin du Oihane Hernandezek eskuin hegaletik emandako paseari esker. Bilbotarrak jaun eta jebe izan dira eta Valdezatek bigarrena egin du, atsedenaldiaren atarian.

Bigarren zatian, Unzuek kornerra atera du eta Damarisek 0 eta 3koa jarri du markagailuan, Athleticekin jokatzen duen 100. partidan.

68. minutuan, Yulema Corresek bilbotarren laugarrena egin du, jokaldi personal baten bidez. Handik gutxira, Rayok bere gol bakarra sartu du, Yael Oviedori esker (1-4).

FULL TIME I Great victory for our lionesses against @RayoFemenino!

¿¿ Azkona, Valdezate, Damaris and Yulema

1-4 I #RayoVallecanoAthletic #AthleticClubFem ¿ pic.twitter.com/HhA7Ix88wW

— Athletic Club (@Athletic_en) November 24, 2019