Athletic club
eitb.eus
Klubak igandean egingo den Batzar Nagusian azalduko ditu akordio horren nondik norakoak.
San Mamés. Argazkia: EFE
Athleticek astearte honetan jakinarazi duenez, San Mames zelaian animazio-harmaila bateratua garatzeko akordioa lortu du Beheko Ipar Harmailako Kaltetuak izeneko plataformarekin.
Aipatu plataformak orain arte ez zuen begi onez ikusten animazio-harmaila handiagotzeko klubetik martxan jarritako prozedura. Alabaina, Athleticek zabaldu duen oharraren arabera, euren burua kaltetutzat jotzen zuten bazkideak eta kluba ados jarri dira aipatu animazio-harmaila aurrera eramateko prozeduran.
Datorren igandean, Euskalduna Jauregian egingo duen Bazkide Konpromisarioen Batzar Nagusian, emango ditu Athleticek akordioaren xehetasunak eta animazio-harmaila horren nondik norakoak.
Dena den, proiektua aurrera eramateko, bazkide konpromisarioen oniritzia jaso beharko duela aurreratu du klub zuri-gorriak, eta, hartara, etorkizunean egingo den beste Batzar Nagusi bateko gai-zerrendan sartuko du, bazkideek horren gainean bozka dezaten, baina betiere "proiektua plataformako eta animazio harmailako ordezkariei aurkeztu eta gero".
Hurrengo zuzenekoak
21 | 11:59 - 13:59 | ZESTA-PUNTA | Emakumezkoen Hondarribiko Grand Slameko finala |
21 | 15:30 - 17:09 | ERREMONTEA | Banakako finala: Ansa II vs Urriza |
21 | 17:10 - 19:59 | PILOTA | San Mateoak: Ezkurdia-Martija vs Dario-Rezusta |
22 | 22:00 - 00:30 | HERRI KIROLAK | EUSKAL PENTATLOIKO FINALA |
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa