Uribe-Echevarriak hiru mila sinadura baino gehiago aurkeztu ditu

Alberto Uribe-Echevarria Athleticeko presidente izateko aurrehautagaiak hiru mila sinadura baino gehiago aurkeztu ditu eguerdian, Ibaiganen.

Sinadurak aurkezteko epea gauerdian amaituko da eta aurrehautagaiek gutxienez 2.069 aurkeztu behar dituzte hauteskunde-prozesuan aurrera egiteko. Aitor Elizegi sukaldari eta aurrehautagaiak arratsaldean aurkeztuko ditu bereak.

Bestalde, Uribe-Echevarriak bere hautagaitza osatuko duten beste hiru kide iragarri ditu: Jose Ramon Garai Bizkaia pilotalekuko egungo kudeatzailea eta Jaurlaritzako Kirol zuzendari ohia; Unai Arzubiaga eta Carlos Ortiz.

Garai, Arzubiaga eta Ortiz kontuan hartuta, 16 dira Uribe-Echevarriaren hautagaitza osatzen duten kideak: Mario Fernandez Elejalde, Iñaki Ahedo, Javier Olabarri eta Genar Andrinua, Javer Aldazabal, Ramón Alkorta, Elaia Gangoiti, Izaskun Larrieta, Izaskun Kortajarena, Borja López, Laura Martínez, Silvia Muriel e Ignacio Palacios-Huerta  klubeko zuzendaritzako kide ohiak.

Hauteskundeak abenduaren 27an egingo dira.