16 partida, garaipen bat

Athleticek Real Madrilen kontra jokatuko du larunbatean arratsaldeko 16:00etan Santiago Bernabeu futbol-zelaian. Talde zuri-gorriak azken urteetan lortutako emaitzak oso txarrak izan dira.

Azken 16 urteetan garaipen bakarra dago, 2003-2004 denboraldian lortutakoa; partida hartan 0-2 irabazi zuen Athleticek eta Andoni Iraolak eta Asier Del Hornok egin zituzten golak.

Galtzeaz gain talde bilbotarrak gol zaparradak jaso ditu ere: 5-1 (2009-2010, 2010-2011 eta 2012-2013an); 5-0 (2014-2015ean); 4-1 (2011-2012an); 3-0 (2007-2008an); 3-1 (2005-2006 eta 2013-2014an)

Guztira 84 Real Madril-Athletic jokatu dira Santiago Bernabeun, horietatik 56 irabazi dituzte zuriek, 13 talde zuri-gorriak eta 15 berdinketa eman dira.