San Mames, LEED ziurtagiria lortzen duen lehen zelaia

San Mames LEED ziurtagiria eskuratu duen Europako lehen zelaia da. Eraikinen jasangarritasuna baloratzen duen ziurtagiri hau, nazioarte mailan eskuratu daitekeen garrantzitsuena da, arlo horretan. Hala jakinarazi du IDOM Ingeniariak, San Mames diseinatu eta eraiki duen taldeak.

LEED ziurtagiriak eraikinen jasangarritasuna baloratzen du maila hauetan: Partzelan integratuta egotea, energiaren eta uraren aurrezpena, ingurune-inpaktu txikiko materialen erabilera, barruko giroa, berrikuntza eta diseinua.

San Mamesek azken asteetan lortzen duen bigarren saria da honakoa, izan ere, munduko eraikin berri onenaren saria eman baitzioten Singapurren egin zen "World Architecture Festival" jaialdian.