Lehen puntuak eskuratu ditu Bilbao Athleticek, Mallorcaren aurka

Bilbao Athleticek Mallorcari irabazi dio San Mamesen, 4. minututik galduta zuen partidari buelta emanda. Gorka Santamariak, Aitor Seguinek eta Asier Villalibrek egin dituzte zurigorrien garaipenaren golak.

Rolando Bianchik egin du Mallorcaren gola, partida hasi eta berehala, defentsaren akats larri baten ostean. Hala ere, Bilbao Athleticek lehen bi jardunaldietan erakutsitako irudi ona konfirmatu du.

28. minutuan, Santamariak partida berdindu du, lehen taldearekin dabilen Lekueren jokaldi on baten ostean.

Bigarren zatian etorri dira garaipena, Mallorcak hobeto hasi duen arren. Villalibreren pase bikain bat aprobetxatuta, bigarrena egin du Seguinek, eta epaileak Bianchi kanporatu ostean, Villalibrek zurigorrien hirugarrena egin du, kontraerasoan.

FITXA TEKNIKOA

Bilbao Athletic: Remiro; Lekue, Yeray, Gil, Iriondo; Vesga, Undabarrena (Saborit, 87. min); Unai López, Iturraspe (Guarrotxena, 59. min), Seguin; eta Santamaria (Villalibre, 68. min).

Mallorca: Cabrero; Campabadal, Aveldaño, Kassim (Moutinho, 76. min), Joan Oriol; Pereira, Hector Yuste, Ros (Damia), Arana (Coro, 46. min); Brandon eta Bianchi.

Golak: 0-1, 4. min: Bianchi. 1-1, 28. min: Santamaria. 2-1, 73. min: Seguin. 3-1, min.93: Villalibre.