Lesioak, Alavesen: Protesonik zuntz haustura du, eta Hugo Novoak pubalgia

Carlos Protesonik zuntz haustura du, eta Hugo Novoak pubalgia, Alavesek asteartean iragarri duenez. Gasteizko klubak emandako txosten medikuak zehaztu duenez, Protesoni ostiralean lesionatu zen, Mendizorrotzan, Mallorcaren aurkako partidan, eta Hugo Novoak, ordea, hainbat aste daramatza jokatu ezinik.

Hala zehaztu du Alavesek: Protesonik zuntz haustura du, ezker hankako muskulu iskiotibialetan. Erdilaria errehabilitazio tratamenduarekin hasi da, eta eboluzioak markatuko du noiz itzuliko den zelaietara.

Hugo Novoa atzelariak pubalgia du, eta ezin izan du jokatu azken asteetan. Irrati-frekuentziako tratamendua egin zioten, eta, orduan, infekzio bat izan zuen; horrek sendatze prozesua luzatu du. Lesioaren osaeraren bilakarerak markatuko du noiz itzuliko den zelaietara, kasu honetan ere.