Behar-beharrezkoa duen garaipenak ihes egin dio Alavesi, azken minutuetan (1-1)

Bi penaltik erabaki dute Mendizorrotzan Alavesek eta Cadizek LaLigako 27. jardunaldian jokatutako partida.

Arabarrak aurretik jarri dira 35. minutuan. Epaileak penaltia adierazi du, Cadizen area barruan jokalari andaluziar batek baloia eskuarekin ukitu ostean. Joseluk zigorra jaurti eta 1 eta 0ekoa jarri du markagailuan.

Bigarrenean, oso aukera gutxi izan dira, eta Cadizen gola azken minutuetan iritsi da, beste penalti baten ondorioz. Epaileak bi txartel hori jarraian atera dizkio Manu Garcia kapitainari, eta kalera bota du. Penaltia Alex Fernandezek jaurti eta berdinketa jarri du markagailuan.

Emaitza labur geratzen da arabarrentzat, hain beharrezkoak dituzten hiru puntuak oso gertu izan baitituzte. 

Fitxa teknikoa:

1 - Alaves: Pacheco; Martin, Lejeune, Laguardia, Duarte; Pellistri (Pons, 85. min), Manu Garcia, Pina, Rioja (Lucas, 65. min); Edgar Mendez (Cordoba, 79. min) eta Joselu.

1 - Cadiz: Ledesma; Fali, Cala, Marcos Mauro (Salvi, 5. min) , Espino; Jonsson, Jose Mari, Alex Fernandez, Perea; Sobrino (Saponjic, 83. min) eta Negredo (Malbasic, 83. min).

Golak: 1-0, 36. min: Joselu, penaltiz. 1-1, 83. min: Alex, penaltiz.