Ebakuntza egin diote Tomas Pinari, hautsitako peronea sendatzeko

eitb.eus

Asteburu honetan Granadaren aurka jokatutako neurketan lesionatu zen, eta lau hilabete inguru emango ditu zelaietatik kanpo, aurreikuspenen arabera.

Orria entzun Orria entzun

Tomas Pina. Argazkia: Alaves

Whatsapp
Whatsapp
twitt
Bidali
Esteka kopiatu

Albisteak (3)

Tomas Pina Alaveseko erdilariari ebakuntza egin dio Mikel Sanchez medikuak astearte honetan, Granadaren aurkako partidan (3-0) ezker hankako peronean izandako haustura sendatze aldera.

Arabako taldeak jakitera eman duenez, ebakuntza "ondo" atera da, eta, aurreikuspenen arabera, Ciudad Realeko jokalariak lau hilabete emango ditu zelaietatik aldenduta, sendatze-prozesua betetzeko.

Pinaren taldekideek sare sozialak baliatu dituzte bere animoak bidaltzeko, eta, hala, Wakaso Mubarakek bideo bat argitaratu du Twitterreko bere profil ofizialean, abesti bat plazaratzeko.

Bestalde, Alaves ordezko jokalari bat fitxatzeko aukerak ari da arakatzen neguko merkatuari begira, Pinak utzitako hutsunea betetzeko.