Alavesek ez du Levanteren aurka porrotik jaso azken 21 urteetan

Alavesek Levanteren aurka jokatuko du ostegunean eta Arabako taldeak ez du Valentziako taldearen aurka galdu, duela 21 urtetik. Levantek Alavesen aurka irabazi zuen azken partida 1996-1997. denboraldian izan zen, eta 0-2ko emaitzarekin lortu zuen garaipena Mendizorrotzan.

Ordutik, arabarrak eta valentziarrak zortzi aldiz lehiatu dira elkarren aurka; sei garaipen lortu ditu Alavesek eta bi neurketa berdinketarekin bukatu dira. Guztira, 19 aldiz jokatu dute elkarren aurka Alavesek eta Levantek; euskal taldeak 11 garaipen lortu ditu, lau aldiz berdindu egin dute, eta lau garaipen lortu ditu Levantek. Ostegun honetan, Mendizorrotzak lehen aldiz hartuko du Alaves-Levante neurketa Lehen Mailan. Denboraldi honetan Levanteren zelaian jokatutako lehen itzuliko partida Alavesek irabazi zuen 0-2ko emaitzarekin, Medranen eta Munirren golekin.